من الشاشة الرئيسية لباب بيتك
هيك بتطلب من زاد قو، خطوة بخطوة. الصور هنا لقطات حقيقية من التطبيق، ببيانات متاجر الكرك.
حدّد موقعك واختر من الرئيسية
أول ما تفتح التطبيق بتختار عنوان التوصيل على الخريطة. إذا كان داخل منطقة التوصيل بتظهر لك المتاجر المفتوحة حولك، وإذا كان برّاها بيحكيلك التطبيق بصراحة.
من الرئيسية بتوصل للأقسام (مطاعم، ZadMart، سوبر ماركت، حلويات، مشروبات…) ولأبرز متاجر الكرك، أو بتبحث باسم المتجر أو المنتج.
افتح المتجر
قبل ما تختار أي شي، بتشوف فوق القائمة رسوم التوصيل لعنوانك، ووقت التحضير، والحد الأدنى للطلب.
القائمة مقسّمة حسب أقسام المطعم، وفيها بحث داخلي. ومن نفس الصفحة بتقدر تبدأ طلب جماعي وتشارك الرابط مع أصحابك.
خصّص طلبك وأضفه للسلة
اختر الحجم والإضافات، واكتب للمطعم أي تعليمات خاصة. السعر على زر الإضافة بيتحدّث مع كل اختيار.
الخيارات الإجبارية معلّمة بوضوح، فما بتنسى شي قبل ما تكمّل.
04–06بعد السلة
التأكيد، الدفع، والتتبع
هذه الخطوات بتحتاج حساب، لأنها مرتبطة بعنوانك ورقم هاتفك.
راجع السلة وأكّد
شاشة الدفع بتعرض قيمة المنتجات، رسوم التوصيل، ورسوم الخدمة كلها قبل التأكيد، ومعها حقل لملاحظة للكابتن.
اختر طريقة الدفع
نقداً عند الاستلام، أو ببطاقة فيزا أو ماستركارد على صفحة دفع آمنة لدى Network International. الطلب المدفوع بالبطاقة ما بيوصل للمتجر إلا بعد ما تنجح العملية.
تابع طلبك لحد الباب
بتشوف كل مرحلة: قبول المتجر، التجهيز، استلام الكابتن، ثم موقعه على الخريطة لحد ما يوصلك. وبتقدر تتصل بالكابتن أو تراسله من داخل الطلب.
تفاصيل بتفرق
أشياء صغيرة، موجودة من أول يوم
- طلب جماعي
- سلة وحدة لكم كلكم من نفس المتجر، وكل واحد بيضيف طلبه من جهازه.
- المفضلة
- احفظ متاجرك ومنتجاتك المفضلة وارجع لها بضغطة.
- المحفظة
- رصيد بيوصلك من المكافآت والتعويضات، وبتستخدمه عند الدفع.
- الدعم
- تواصل مع فريق الدعم من داخل الطلب نفسه، بالعربي.
- اللغة
- التطبيق بالعربي والإنجليزي.
التطبيق قريباً على المتاجر
وقبل ما ينزل، شوف إذا منطقتك ضمن التوصيل.